काठमाडाैं, श्रावण १६ ।
काठमाडाैं महानगरपालिकाकाे मीनभवन कलेजका प्राध्यापक धर्मराज बिष्टको हत्यामा संलग्न एक व्यक्तिलाई प्रहरीले पक्राउ गरेको छ ।

काठमाडौं उपत्यका अपराध अनुसन्धान कार्यालयले आज बुधबार पत्रकार सम्मेलन गर्दै बिष्टको हत्यामा संलग्न रञ्जन खड्कालाई पक्राउ गरी सार्वजनिक गरेको हो ।

२०६४ सालमा प्राध्यापक बिष्टको हत्या भएको थियो । प्राध्यापक बिष्टले जिस्काउने गरेको भन्दै सविता थापाका भाई विनोदसहितको समूहले बिष्टलाई निर्घात कुटपिट गरी घाइते अवस्थामा २०६४ असार २६ गते ललितपुरको शंखमूलमा फेला परेको थियो ।

उपचारका क्रममा उनको मृत्यु भएको थियो । उक्त घटनामा संलग्न सविता र विनोदलाई प्रहरीले यसअघि नै पक्राउ गरिसकेको थियो भने विनोद थापा कैद सजाँय काटेर जेलबाट छुटिसकेका छन् ।