काठमाडाैं, श्रावण १७ ।
आइतबार काठमाडाैं उपत्यकामा सार्वजनिक बिदा दिइने भएकाे छ । वर्षा र सहकालका देवता रातो मत्स्येन्द्रनाथको रथ जावलाखेल पुर्‍याइएको छ भने याेसँगे आउँदाे आइतबार भाेटाे जात्रा पर्ने हुँदा सार्वजनिक बिदा दिने परम्परा चलिआएकाे छ ।

आज बिहीबार लगनखेल थतिटोलबाट रथ तानेर जावलाखेल पुर्‍याइएको हो । सातगाउँमा सतुंगल, नैकाप, मत्स्येगाउँ, पाँगा, नःगाउँ, बोशी गाउँ र कीर्तिपुर र छन् ।

परम्परागत बाजा, झाँकिसहित रातो मत्स्येन्द्रनाथको रथ तानिएको छ ।

गत बैशाख २७ गते बिहीबार रातो मत्स्येन्द्रनाथको मूर्तिलाई पुल्चोकमा रथारोहणका गरेसँगै नेपालको सबैभन्दा लामो जात्रा मानिने यो जात्रा सुरु भएको थियो । रातो मत्स्येन्द्रनाथको मूर्ति मच्छिन्द्रबहालस्थित मन्दिरबाट बोकेर रथारोहण गरेपछि उक्त जात्रा विधिवत रूपमा सुरु भएको थियो ।

रथयात्रा आरम्भ भएपछि नगरका विभिन्न ठाउँ गाःबहाल, मंगलबजार, सुन्धारा, लगनखेल हुँदै जावलाखेलमा लगेर भोटो देखाइ समापन गर्ने गरिन्छ ।

यो जात्रा काठमाडौं उपत्यकाको सबैभन्दा प्रसिद्ध जात्राकाे रूपमा लिइने गरिन्छ । करिब १६ सय वर्षअघि सुरु भएको मत्स्येन्द्रनाथको रथ जात्रा बैशाख शुक्ल प्रतिपदामा सुरु भएर असार शुक्ल चौथीसम्म करिब दुई महिनासम्म चल्ने गरिन्छ र साेभन्दा पनि धेरै लामाे पनि हुने गरिन्छ ।

आइतबार राष्ट्रपति, प्रधानमन्त्री र मन्त्रीमण्डलसहितकाे उपस्थितमा भाेटाे जात्राकाे अवलाेकन गरिने चलन रहेकाे छ ।