एजेन्सी, श्रावण २४ ।
जापानमा ७ दशमलव १ रेक्टर स्केलकाे शक्तिशाली भूकम्प गएको छ । स्थानीय समयानुसार बिहीबार दिउँसो मियाजाकी तटबाट करिब २० माइल टाढा केन्द्रबिन्दु बनाएर भूकम्प गएको बताइएको छ ।

शक्तिशाली भूकम्प गएसँगै जापानको मौसम विज्ञान एजेन्सीले सुनामीको एड्भाइजरी जारी गरेको जापानका सञ्चार माध्यमहरूले उल्लेख गरेका छन् ।

मियाजाकी, कोची, ओइटा, कागोशिमा र इह्मी प्रिपेक्चरहरूमा सुनामी आउन सक्ने भन्दै सचेत रहन सूचनासमेत जारी गरिएको छ ।

साे क्षेत्रमा बसोबास गर्ने मानिसहरूलाई समुन्द्र किनारबाट टाढा रहन पनि अनुरोध गरिएको छ ।