काठमाडाैं, श्रावण २४ ।
नेपाल राष्ट्र बैंकबाट ‘क’ वर्गकाे इजाजत पत्र प्राप्त संस्था कुमारी बैंक लिमिटेड र नयाँ बानेश्वर, काठमाडौंस्थित समाज डेण्टल (प्रा.) लि.बीच कुमारी बैंक लिमिटेडका ग्राहकहरूलाई हस्पिटलबाट प्रदान गरिने सेवाहरूमा विशेष छुट प्रदान गर्ने सम्झाैता भएको छ ।

साे सम्झौताअनुसार कुमारी बैंक लिमिटेडका ग्राहक महानुभावहरूले समाज डेण्टलका नयाँ बानेश्वर, काठमाडाैं, जावलाखेल चोक-ललितपुर, राधेराधे-भक्तपुर, सनसिटी-पेप्सीकोला, बसुन्धरा चौकी-काठमाडाैं, सीतापाइला चोक-काठमाडाैं, बौद्ध-जोरपाटी, कौशलटार-भक्तपुर, इमाडोल-ललितपुर, बनेपा-काभ्रेस्थित सेवा केन्द्रहरूबाट सेवा लिए बापत कुमारी बैंकको डेबिट/क्रेडिट कार्ड अथवा QR बाट भुक्तानी गर्दा १० प्रतिशतसम्म छुट प्राप्त गर्न सक्नेछन् भने कुमारी बैंकका ग्राहकहरूलाई उक्त सेवा केन्द्रहरूमा रजिष्ट्रेशन शुल्क र चिकित्सक सल्लाह शुल्क निःशुल्क रूपमा उपलब्ध हुनेछ । यस सुविधाबाट सेवाग्राहीहरूले गुणस्तरीय सेवा प्राप्त गर्नुका साथै अधिकतम लाभ समेत प्राप्त गर्न सकिनेमा बैंक विश्वस्त रहेको छ ।

विगत २२ वर्षदेखि निरन्तर बैंकिङ्ग सेवा प्रदान गर्दै आइरहेको कुमारी बैंकले आफ्ना देशभर रहेका ३ सय २ वटा शाखा सञ्जाल, ३ सय १४ वटा एटीएम मेसिन, ५० वटा एक्सटेन्सन काउण्टर तथा ५७ वटा शाखारहित बैंकिङ्ग ईकाईहरूमार्फत् आफ्ना ग्राहकवर्गलाई अत्याधुनिक तथा प्रभावकारी सेवाहरू प्रदान गर्दै आइरहेको छ र आगामी दिनहरूमा पनि अझ सरल, शुलभ तथा उत्कृष्ट सेवाका निमित्त सहकार्यहरू गर्दै जाने प्रतिबद्धता जाहेर गरेकाे बैंकले एक प्रेस विज्ञप्ति जारी गरी जनाएको छ ।