काठमाडाैं, श्रावण ३० ।
नेपाल राष्ट्र बैंकबाट ‘क’ वर्गकाे इजाजत पत्र प्राप्त संस्था कुमारी बैंक लिमिटेड र नयाँ बानेश्वर, काठमाडौंस्थित नव डर्मा स्किन एण्ड लेजर एस्थेटिक (प्रा.) लि.बीच कुमारी बैंकका ग्राहकहरूलाई हस्पिटलबाट प्रदान गरिने सेवाहरूमा विशेष छुट प्रदान गर्ने समझदारी भएको छ ।

साे सम्झौताअनुसार कुमारी बैंकका ग्राहकहरूले नव डर्मा स्किन एण्ड लेजर एस्थेटिकको नयाँ बानेश्वर-काठमाडौं र कौशलटार-भक्तपुरस्थित सेवा केन्द्रबाट सेवा लिए बापत कुमारी बैंकको डेबिट-क्रेडिट कार्ड अथवा क्यूआरबाट भुक्तानी गर्दा १०% सम्म छुट प्राप्त गर्न सक्नेछन् । यस सुविधाबाट सेवाग्राहीहरूले गुणस्तरीय सेवा प्राप्त गर्नुका साथै अधिकतम लाभसमेत प्राप्त गर्न सकिनेमा बैंक विश्वस्त रहेको छ ।

विगत २३ वर्षदेखि निरन्तर बैंकिङ्ग सेवा दिँदै आएको कुमारी बैंकले आफ्ना देशभर रहेका ३ सय २ वटा शाखा सञ्जाल, ३ सय १४ वटा एटीएम मेसिन, ५० वटा एक्सटेन्सन काउण्टर तथा ५९ वटा शाखारहित बैंकिङ्ग इकाईहरूमार्फत् आफ्ना ग्राहकवर्गलाई अत्याधुनिक तथा प्रभावकारी सेवाहरू प्रदान गर्दै आइरहेको छ र आगामी दिनहरूमा पनि अझ सरल, शुलभ तथा उत्कृष्ट सेवाका निमित्त सहकार्यहरू गर्दै जाने प्रतिबद्धता जनाएको बैंकले एक प्रेस विज्ञप्ति जारी गरी जनाएकाे छ ।