काठमाडाैं, भाद्र १२ ।
उरुग्वेका डिफेन्डर जुआन इज्क्विएर्डोको निधन भएको छ ।

२७ वर्षीय डिफेन्डर जुआन अगष्ट २२ मा आफ्नो कोपा लिबेर्टाडोरेजअन्तर्गत क्लब नासिओनलको ब्राजिलियन क्लब साओ पाउलोविरुद्ध खेल्ने क्रममा मैदानमा लडेका थिए ।

खेलको ८४ औँ मिनेटमा मैदानमा लडेका जुआनलाई तत्काल मैदान बाहिर लगेर एम्बुलेन्सबाट अस्पताल पुर्‍याइएको थियो । अस्पतालले जुआनको ब्रेन डेड भएका कारण मृत्यु भएको जानकारी दिएको छ ।

जुआनको निधन भएको खबरपछि उरुग्वेको फुटबल फेडेरेशनले यो खबर अत्यन्त दुःखद् भएको उल्लेख गरेको छ । एशाेसिएशनले अहिले दक्षिण अमेरिकी फुटबल दुःखमा रहेको उल्लेख गरेको छ ।