काठमाडाैं, भाद्र ३० ।
नेपाली भाषा साहित्य र कला क्षेत्रमा कलम चलाउँदै निरन्तर चार दशकदेखि कविता, गीत, कथा, उपन्यास, हाइकु, तान्का, मुक्तकलगायत साहित्य क्षेत्रमा विविध विषयमा कलम चलाउनुका साथै पचासको दशकदेखि गायन क्षेत्रमा आएका विश्व कीर्तिमानी साहित्यकार सुरेन्द्र महर्जन ‘अमर’ को रचना एवं स्वरमा नेपालभाषाको एल्बम मतिनाया खँ भित्र रहेको नेवारी गीत “मिखाँ छन्त न्ह्यने खन” म्हुतुं न्ववाय् मफुत” नेपालभाषा गीतको म्यूजिक भिडियो सार्वजनिक भएको छ । सार्वजनिक म्यूजिक भिडियोको गीत अमर म्यूजिकमा रहेको छ ।

विश्व कीर्तिमानी सङ्गीतकार सन्तोष श्रेष्ठको सङ्गीत रहेको उक्त गीतको भिडियोमा रोशन कुमार श्रेष्ठ र निशा श्रेष्ठको अभिनय देख्न सकिन्छ । निर्देशनको निमित्त नेपालभाषाकाे गीत नै किन नहोस् भिडियोको निर्देशन देश नरेश अधिकारीको साथ रहेर प्रेम बश्यालले सह निर्देशनमा साथ दिएको छ । द लाइफ एक्प्रेस मुभिको प्रस्तुतिमा निर्माण भएको गीत अमर म्यूजिकको रहेको छ । बुद्ध सायमीको एरेञ्जमा अडियो नेपालमा गीत रेकर्डिङ भएको हो ।