काठमाडाैं, असाेज १५ ।
सिप्रदी ट्रेडिङ्ग र सिप्रदियन सहायता संस्थाद्वारा काठमाडौं महानगर, महानगरीय ट्राफिक प्रहरी, नेपाल प्रहरी, यातायात व्यवस्था विभाग र नाडाको सहकार्यमा यात्रुको हितलाई मध्यनजर गर्दै काठमाडौं उपत्यकाका १५ प्रमुख स्थानहरूमा यात्रु सहायता कक्षको व्यवस्था गरिएकाे छ ।

दशैँ मनाउन उपत्यका छोड्ने यात्रुहरूको संख्या उल्लेख्य रूपमा बढ्ने हुनाले सहजीकरणका लागि काठमाडौंमा बल्खु, नयाँ-बसपार्क, गौशाला, चापागाउँ, हल्चोक, चाबहिल, जावलाखेल बाफल, कलंकी, कोटेश्वर, माछापोखरी, सातदोबाटो, दक्षिणकाली, सुन्धारा, नागढुंगा, जडिबुटी र जगातीमा यात्रु सहायता कक्ष सञ्चालन गरिएकाे हाे ।

विगतका वर्षभन्दा यो वर्ष यात्रुको संख्या अधिक बढ्ने देखिएको छ त्यसैले यात्रुहरूलाई टिकट बुकिङ्गका क्रममा विभिन्न समस्याहरू र अन्योल नपरोस् भनी यो सेवा दिइएको बताइएको छ । उपभोक्ता संघ तथा महानगरीय ट्राफिक प्रहरी महाशाखाकाअनुसार धेरैजसो गुनासो महँगो टिकट मूल्य, टिकट नपाउनेसँग सम्बन्धित हुने भएकाले त्यसलाई न्यूनिकरण गर्ने उद्देश्यले विभिन्न रुटमा लागू हुने भाडा नै उल्लेख गरेर सहायता कक्ष निर्माण गरिएको बताइएको छ ।

यात्रु आवत-जावतको क्रममा सर्वसाधारण यात्रीहरूलाई सुरक्षासम्बन्धी सू-सुचित गर्नका लागि यात्रु सहायता कक्षले मनिटरिङ गर्नेछ । साथै यसले यात्रुहरूलाई उहाँहरूकै सुरक्षाका लागि यो व्यवस्था गरिएको अनुभूति दिलाउने प्रहरीकाे अनुमान छ ।