काठमाडाैं, असाेज १५ ।
सिप्रदी कम्पनीजको सामाजिक उत्तरदायी संस्था सिप्रदीयन सहायता संस्था तथा सिप्रदी अटोपार्टस् (प्रा.) लि.द्वारा हालै मात्र निरन्तरको वर्षाको कारणले उपत्यकाको खोला किनारमा ज्याला मजदुरी गर्दै आइरहेका बाढी पीडित मेकानिक्सहरूलाई दैनिक उपभोग्य सामाग्रीहरू तथा खाद्यान्न सहगोग वितरण गरेको छ ।

सिप्रदीयन सहायता संस्थाका प्रतिनिधिहरू र सिप्रदी अटोपार्टस् (प्रा.) लि.का प्रतिनिधिहरूको उपस्थितिमा २६ घरधुरीलाई सिरक, डस्ना र सिरानि एक/एक वटा, १ बोरा चामल, ३ किलो दाल, १ लिटर तेल तथा अन्य खाद्य तथा घरायसी सामाग्रीहरू राहत स्वरूप वितरण गरिएको थियो ।

यसैगरी, मनसुनी वर्षाका कारण आएको बाढीले नेपालका विभिन्न भू-भागमा बसोबास गरिरहेका व्यक्तिहरूको जनजीवन प्रभावित भएको छ भने कैयौँ घरबार विहीनसमेत भएका छन् । सिप्रदीयन सहायता संस्थाले त्यस्ता प्रभावित क्षेत्रहरूमा विभिन्न किसिमका अत्यावश्यक वस्तुहरू राहत स्वरूप वितरण गर्दै आइरहेको कम्पनीले एक प्रेस विज्ञप्ति जारी गरी जनाएकाे छ ।