काठमाडाैं, असाेज २२ ।
ब्रिटिश काउन्सिलले नेपालको रचनात्मक क्षेत्रहरूमा जलवायु कार्यलाई बढावा दिने उद्देश्यले नयाँ पहलका लागि आवेदनहरू खुला गरेको छ । द क्लाइमेट फ्युचर्सः साउथ एशिया कार्यक्रमले कलाकार र साँस्कृतिक संस्थाहरूलाई नवीन परियोजना र अभ्यासहरूमार्फत् जलवायु आपतकाललाई सम्बोधन गर्न अनुदानको अवसरहरू समेत प्रदान गर्दैछ ।

द क्लाइमेट फ्युचर्सः साउथ एशिया कार्यक्रमलाई कला क्षेत्रमा सहयोग प्रदान गर्न डिजाइन गरिएको हो, जसअनुसार कलाकार र साँस्कृतिक संस्थाहरूलाई युके पाउण्ड १५,००० (लगभग २६,२५,००० रुपैयाँ) को अनुदान उपलब्ध गराइन्छ ।

अनुदान कार्यक्रमले विभिन्न परियोजनाहरूको लागि सहयोग प्रदान गर्ने लक्ष्यसमेत राखेको छ ।

•  साँस्कृतिक क्षेत्रमा ज्ञान अभिवृद्धि र दीगोपनमा योगदान गर्ने कलाकारहरूद्वारा नेतृत्व गरिएका पहलहरूलाई बढावा दिने
•  क्षमता निर्माण अभिवृद्धि गर्ने उद्देश्यका पहलहरू समावेश गर्दै संगठनको लागि दीगोपन योजना वा कार्यविधि बनाउने र कार्यान्वयन गर्ने र
• कला क्षेत्र भित्र जलवायु परिवर्तन जागरूकता र दीगो दृष्टिकोण अभिवृद्धि गर्न पूर्वाधार अनुकूलन गर्ने

आवेदन समय सीमाः सबै आवेदनहरूको लागि अन्तिम मिति २५ नोभेम्बर २०२४, २३ः५९ GMT हो । सफल आवेदकहरूले आफ्ना परियोजनाहरू मार्फत् विश्वव्यापी जलवायु सम्वादमा महत्त्वपूर्ण प्रभाव पार्ने अवसर पाउनेछन् । साथै युकेका प्रमुख विशेषज्ञहरूद्वारा परियोजनाभरी प्राप्त मार्गदर्शनबाट लाभान्वित हुनेछन् ।

सम्भावित आवेदकहरूलाई सहयोग गर्न, ब्रिटिश काउन्सिलले अक्टोबरमा सूचना सत्रहरूको एक श्रृंखला आयोजना गर्नेछ । यी सत्रहरूले आवेदन प्रक्रियासम्बन्धी आवश्यक जानकारी प्रदान गर्नेछ र आवेदकहरूलाई कोष अनुमोदनको लागि उनीहरूको सम्भावनालाई अधिकतम बनाउन सहयोग गर्दछ । सत्रहरू ८ र २२ अक्टोबर २०२४ को लागि निर्धारित छन्, सबै १०ः०० GMT मा ।

द क्लाइमेट फ्युचर्सः साउथ एशिया कार्यक्रमको बारेमा थप जानकारी प्राप्त गर्न र कसरी अनुदानको लागि आवेदन गर्ने र सूचना सत्रहरूको लागि दर्ता गर्ने, कृपया https://www.britishcouncil.org.np/programmes/arts/climate-futures-south-asia हेर्न सक्नुहुन्छ ।

द क्लाइमेट फ्युचर्सः साउथ एशिया कार्यक्रमको बारेमा

द क्लाइमेट फ्युचर्सः साउथ एशिया कार्यक्रम रचनात्मक क्षेत्रहरूमा जलवायु कार्यलाई सहयोग गर्ने ब्रिटिश काउन्सिलको कार्यक्रम हो । कार्यक्रमले बंगलादेश, भारत, नेपाल, पाकिस्तान र श्रीलंकाका कलाकार वा साँस्कृतिक संस्थाहरूलाई अनुदान दिनेछ । छनोट भएका अनुदानदाताहरूले परियोजनाको अवधिमा प्रमुख युके विशेषज्ञहरूद्वारा आयोजित मेन्टरशीप सत्रहरूबाट लाभ उठाउने सक्ने छन् ।

ब्रिटिश काउन्सिलको बारेमा

ब्रिटिश काउन्सिल साँस्कृतिक सम्बन्ध र शैक्षिक अवसरहरूको लागि संयुक्त अधिराज्यको अन्तर्राष्ट्रिय संस्था हो । हामी संयुक्त अधिराज्य र अन्य देशका नागरिकबीच सम्बन्ध, समझदारी र विश्वास निर्माण गरेर शान्ति र समृद्धिका लागि सक्रिय रूपमा योगदान गर्छौं । शान्ति र समृद्धिको लागि हाम्रो प्रतिबद्धता कला र संस्कृति, शिक्षा र अंग्रेजी भाषामार्फत् गर्छौं । हामी २०० भन्दा बढी देशहरू र क्षेत्रहरूमा मानिसहरूसँग काम गर्छौं र १०० भन्दा बढी देशहरूमा हाम्रो उपस्थिति रहेको छ । २०२२-२३ मा हामी ६० करोड मानिसहरू माझ पुग्न सफल भयौँ । थप जानकारी चाहिएमा https://www.britishcouncil.org.np/ मा हेर्न सक्नुहुन्छ ।