काठमाडौं, असोज २३ ।
ब्रिटिश काउन्सिल नेपालले २६ सेप्टेम्बर २०२३ मा द सोल्टी काठमाडौंमा IELTS पार्टनर समिटको अविस्मरणीय कार्यक्रमको आयोजना गरेको छ ।

कार्यक्रमले युवा नेपाली विद्यार्थी र पेशाकर्मीहरूलाई अन्तर्राष्ट्रिय शिक्षा र करियर विकासका अवसरहरूमा पहुँच प्राप्त गर्न मद्दत गर्ने हाम्रो योगदान स्मरण गर्न IELTS साझेदारहरूलाई एकताबद्ध गरेको थियो ।

कार्यक्रमले ब्रिटिश काउन्सिल र IELTS साझेदारहरूबीचको मजबुत सम्बन्धलाई झल्काउँछ र यसले नेपालीहरूलाई विभिन्न विषयहरूमा अन्तर्राष्ट्रिय योग्यता हासिल गरेर नेपालमा शिक्षाका अवसरहरू अभिवृद्धि गर्ने हाम्रो सामूहिक प्रतिबद्धतालाई सुदृढ बनाएको छ ।

कार्यक्रमले अप्रिल २०२३ देखि मार्च २०२४ सम्म IELTS परीक्षामा असाधारण समर्पण र योगदान प्रदर्शन गर्ने उत्कृष्ट साझेदारहरूलाई सम्मान गरेको थियो ।

कार्यक्रमको अवसरमा ‘IELTS उपहार अभियान’ को दोश्रो सिजन पनि सुरु गरेको थियो । उक्त रोमाञ्चक अभियानमा प्रत्येक महिना एक विशेष बम्पर पुरस्कारसहित एप्पल म्याकबुक एयर पुरस्कार प्रदान गर्दै आएको छ । बम्पर पुरस्कारमा टर्किस एयरलाइन्सद्वारा प्रायोजित संयुक्त अधिराज्य र संयुक्त राज्य अमेरिकाका लागि दुई एकतर्फी टिकटहरू समावेश रहेका छन् । बम्पर पुरस्कारमा अष्ट्रेलियाको लागि एकतर्फी टिकट पनि समावेश रहेको छ, जुन टर्किस एयरलाइन्स बाहेक कुनै पनि एयरलाइनबाट प्राप्त गर्न सकिने व्यवस्था रहेको छ । यो अभियानले ब्रिटिश काउन्सिल र टर्किस एयरलाइन्सबीचको महत्वपूर्ण सहकार्यलाई दर्शाउँछ, जसले पुरस्कार प्रस्तावहरू र IELTS परीक्षार्थी लिनेहरूको लागि अनुभवलाई थप समृद्ध बनाउने कार्य गरिन्छ ।

यस अभियानमा सहभागी हुनको लागि ब्रिटिश काउन्सिलमा IELTS बुक गर्न र भुक्तानी गर्न आवश्यक छ । यो अफर अक्टोबर २०२४ देखि सुरु हुने कुनै पनि परीक्षा मितिहरूको लागि २६ सेप्टेम्बर र ३० नोभेम्बरको बीचमा भुक्तानी गरिएका सबै पेपर र कम्प्यूटर रेजिस्ट्रेसन IELTS को लागि मान्य हुनेछ । यस अफरको बारेमा थप जानकारीको लागि bit.ly/3RBwnqn हेर्न सकिने छ ।

कार्यक्रममा काठमाडौंस्थित बेलायती दूताबासका राजनीतिक प्रमुख म्याट वाल्टर्सले भने, “२०० वर्षभन्दा बढीको साझेदारीमा नेपाल र संयुक्त अधिराज्यबीचको सम्बन्ध वास्तवमै असाधारण रहेको छ । शिक्षाले विशेष गरी युवाहरू माझ गहिरो मित्रता बढाउनमा महत्वपूर्ण भूमिका खेल्ने गर्छ भने अंग्रेजी भाषाले यहाँ र विदेशमा धेरै अवसरहरूको ढोका खोल्छ र संयुक्त अधिराज्य हाम्रा विश्व-प्रसिद्ध संस्थाहरू र योग्यताहरूमा गर्व गर्दछ । हामी नेपाली विद्यार्थीहरूले संयुक्त अधिराज्य छनोट गरेकोमा पनि गर्व गर्छौं, जसमध्ये धेरैले अर्थतन्त्रको विकासमा मद्दत गर्न बहुमूल्य शीप लिएर फर्कन्छन् ।”

सोही अवसरमा दक्षिण एशिया शिक्षा निर्देशक/नेपालका कार्यबाहक देशीय निर्देशक साल्भाडोर लोपेज कार्बाजलले भने, “परीक्षा र मूल्याङ्कनमा उत्कृष्टताका लागि परिचित संस्था ब्रिटिश काउन्सिलको प्रतिनिधित्व गर्न पाउनु सम्मानको कुरा हो । हामीले वर्षौंदेखि निर्माण गरेको विश्वास IELTS जस्ता परीक्षाहरू व्यवस्थापन गर्ने मात्र नभइ युवाहरूलाई सफल हुने उपकरणहरू प्रदान गरेर जीवन परिवर्तन गर्नु पनि रहेको छ । हामीले औपचारिक शिक्षा, व्यावसायिक तालिम र कला तथा संस्कृतिको अभिवृद्धिमा केन्द्रित भएर ६५ वर्षभन्दा बढी समयदेखि नेपाललाई निरन्तर साथ दिइरहेका छौँ । सरकार र हाम्रा साझेदारहरूसँगको सहकार्यले नेपाली युवालाई भविष्यका चुनौतीहरू सम्बोधन गर्न, उनीहरूको समुदायमा योगदान गर्न र नेपालको विकास लक्ष्यहरू प्राप्त गर्न मद्दत गर्ने अवसरहरू सिर्जना गर्न सक्षम बनाउँछ ।”

देशीय परीक्षा निर्देशक, ब्रिटिश काउन्सिल नेपालका प्रतिष्ठा थापा रायमाझीले कार्यक्रममा उत्साह व्यक्त गर्दै भनिन्, “उत्कृष्ट प्रदर्शन र ब्रिटिश काउन्सिलप्रतिको योगदानलाई सम्मान गर्ने उत्सवको साँझमा हाम्रा सबै साझेदारहरू र सरोकारवालाहरूलाई एकसाथ ल्याउन पाउँदा हामी अत्यन्त हर्षित छौँ । नेपालका युवालाई सशक्तिकरण गर्ने उनीहरूको प्रतिबद्धताले रूपान्तरणका अवसरहरूको ढोका खोल्छ र हामी मिलेर उज्ज्वल भविष्य निर्माण गरिरहेका छौँ ।”

कार्यक्रममा विभिन्न विधामा जम्मा २९ वटा पुरस्कारहरू प्रदान गरिएको थियो । उत्कृष्ट प्रदर्शन गर्ने संस्था ECAN थियो र उत्कृष्ट प्रदर्शन गर्ने संस्थान (प्लाटिनम पार्टनर) अर्बिट मेडिकल इन्ट्रान्स (प्रा.) लि. रहेको थियो ।

पुरस्कारहरूको सूची यसप्रकार रहेका छन् ।
राइजिङ स्टार
१ काठमाडौं एडवाइज फाउन्डेशन (प्रा.) लि.
२ काठमाडौं ग्लोसा प्रिपेटरी एकेडेमी (प्रा.) लि.
३ काठमाडौं ओसियानिया एजुकेशन कन्सल्टेन्सी (प्रा.) लि.
४ धरान सुमेधा एजुकेशन नेटवर्क (प्रा.) लि.
५ पोखरा टाइम एकेडेमी (प्रा.) लि.

सिटी एक्सिलेन्स
१ विराटनगर इडेन एकेडेमी कन्सल्टेन्सी (प्रा.) लि.
२ बिर्तामोड फास्ट ट्रेक एजुकेशन कन्सल्टेन्सी (प्रा.) लि.
३ बुटवल ग्लोबल हब एजुकेशनल नेटवर्क
४ चितवन मेस्नफिल्ड इन्टरनेशनल एजुकेसन कन्सल्टेन्सी
५ हेटौँडा क्याम्ब्रिज एजुकेशन सेन्टर (प्रा.) लि.
६ पोखरा मिरेकल इन्ष्टिच्युट (प्रा.) लि.

काँस्य पदक
१ ब्रिटिश अमेरिकन एजुकेयर (प्रा.) लि.
२ ग्रेस इन्टरनेशनल ग्रुप (प्रा.) लि.
३ लेकहेड एजुकेशन (प्रा.) लि.
४ मोटिफ एजुकेशन अब्रोड (प्रा.) लि.
५ नेपाल इन्टरनेशनल एजुकेशनल कन्सल्टेन्सी (प्रा.) लि.
६ ओली एण्ड एशोसियट्स (प्रा.) लि.
७ स्टडी स्क्वायर नेपाल (प्रा.) लि.

रजत पदक
१ एइसीसी नेपाल
२ एजुकेशन फर्स्ट ट्रेडिङ एज इडिएफ एडमिसन्स
३ केआइइसि लर्निङ सेन्टर (प्रा.) लि.
४ माभेन कन्सल्टिङ ग्रुप
५ अर्बिट इन्टरनेशनल एजुकेसन (प्रा.) लि.
६ राइटपाथ करियर काउन्सिलिङ (प्रा.) लि.

स्वर्ण पदक
१ एक्सपर्ट एजुकेशन एण्ड भिसा सर्भिसेस
२ आरटिसि इङ्गलिस
३ द नेक्स्ट एजुकेशन कन्सल्टेन्सी (प्रा.) लि.

विधा
साझेदारको नाम
प्लाटिनम पुरस्कार अर्बिट मेडिकल इन्ट्रान्स (प्रा.) लि.
सर्वश्रेष्ठ एशोसिएशन पुरस्कार एजुकेशन कन्सल्टेन्सी एशोसिएशन अफ नेपाल

ब्रिटिश काउन्सिल IELTS को बारेमा
अन्तर्राष्ट्रिय अंग्रेजी भाषा परीक्षण प्रणाली (IELTS) उच्च शिक्षा र विश्वव्यापी प्रवासनको लागि विश्वको सबैभन्दा लोकप्रिय अंग्रेजी भाषा प्रवीणता परीक्षण हो । विश्वभर १२,००० भन्दा बढी संस्थाहरूले IELTS मा विश्वास गर्छन् । यी संस्थाहरूमा शैक्षिक संस्थानहरू, रोजगारदाताहरू, सरकारहरू र व्यावसायिक निकायहरू समावेश रहेका छन् । IELTS संयुक्त रूपमा ब्रिटिश काउन्सिल, IDP IELTS र क्याम्ब्रिज एसेसमेन्ट अंग्रेजीको स्वामित्वमा छ । IELTS को बारेमा थप जानकारीको लागि https://www.ielts.org गएर पनि हेर्न सकिने छ ।