काठमाडाैं, असाेज २३ ।
नेपालीहरूकाे चाडपर्वको अवसरमा ग्राहकहरूको सुविधालाई मध्यनजर गर्दै सिप्रदीले टाटा मोटर्सको लागि दशैँभरी सिप्रदीको फास्ट डिसी चार्जिङ्ग स्टेशनमा निःशुल्क चार्जिङ्गको घोषणा गरेको छ । साथै टाटा मोटर्सले आफ्ना देशभरीको सर्भिस सेन्टरहरूबाट आकस्मिक सेवा प्रदान गर्ने जानकारीसमेत गराएको छ ।

बिदाको समयमा पनि टाटाका बाघडोल र गोँगबुँस्थित दुई वटा सर्भिस सेन्टरहरू खुला नै हुने भएका छन् । जसमा प्यासेञ्जर तथा ट्याक्सीहरू सर्भिसिङ्ग तथा चार्जिङ्गको व्यवस्था मिलाइएको छ भने अन्य सर्भिस सेन्टरहरू मार्फत् ब्रेक डाउन सर्भिससमेत प्रदान गरिनेछ । बाटोमा रोड साइड  सेवाका लागि हटलाइन टोल फ्रि नं. १६६००१५५७७७ वा ९८०१५७५७७७ मा पनि सम्पर्क गर्न सकिने कम्पनीले जनाएकाे छ ।

निःशुल्क चार्जिङ्ग एक्प्रेस टिमा लागू हुने छैन ।

सिप्रदीको नेपालभरी १८५+ चार्जिङ्ग नेटवर्क र १६ वटाभन्दा धेरै सर्भिस सेन्टरहरू उपलब्ध रहेका छन् । थप चार्जिङ्ग नेटवर्कको जानकारीको लागि भने यस लिङ्कमा क्लिक गरेर हेर्न सकिने व्यवस्था उपलब्ध गराएकाे छ । https://tatacars.sipradi.com.np/vehicle/charginglocation