काठमाडाैं, असाेज २७ ।
यस वर्षकाे महान् चाड विजया दशैँमा टाटाको पञ्च ईभी, टियागो ईभी, टिगोर ईभी, एक्प्रेस-टि र आइस गाडी गरेर ७ सय ५१ वटाभन्दा बढी गाडी नेपाली बजारमा डेलिभरी भएको छ ।

यस वर्षको नाडा अटो शोमा ४ सय ७५ वटा बुकिङ्ग लिएर सुरुवात गरेको टाटा पञ्च ईभीको यो दशैँमा ३ सय ७७ युनिट डेलिभरी भएको छ । सुरुवाती मूल्य रु. ३३ लाख ९९ हजारमा सार्वजनिक गरिएको टाटा पञ्च ईभीमा कम्पनीले सोचेको भन्दा उत्साहजनक डेलिभरी भएको सिप्रदी प्यासेञ्जर भेहिकल बिजनेस युनिटका प्रमुख सावन्त जंग सिजापतिले बताए । सिजापतिकाअनुसार सुरुवाती भेरियन्टमा पनि ग्राहकहरूले सनरुफको आनन्द लिन मिल्ने र नेपालको बाटोमा सुहाउँदो गाडी भएकोले पञ्च ईभीले नेपालमा राम्रो बजार लिइरहेको छ ।

टाटाको पञ्च ईभीको साथै गत वर्षको नाडा अटो शोमा नै लञ्च भएको टियागो ईभी बजेट सेग्मेंटको सर्वाधिक बिक्री भएको मोडलसमेत रहेकाे छ । यो दशैँमा पनि टियागो ईभीको १ सय ५६ युनिट डेलिभरी भएको कम्पनीले जनाएको छ । विशेषगरी महिलाहरू र पहिलो गाडी लिन खोज्नु भएका ग्राहकहरूको पहिलो रोजाईमा पर्न सफल भएको टियागो ईभीको पनि यो दशैँमा उत्साहजनक रूपमा डेलिभरी भएको छ । साथै टाटाको टिगोर ईभीको १० युनिट र आइस गाडीको ५२ युनिट डेलिभरी भएको कम्पनीले जनाएको छ ।

यो दशैँमा एक्प्रेस-टिको पनि राम्रो संख्यामा डेलिभरी भएको छ । एक्प्रेस-टिको १ सय ५६ डेलिभरी भएसँगै सिप्रदीले यो दशैँमा ७ सय ५१ टाटा कारहरू डेलिभरी गरेको छ ।

यसको साथै दशैँको अवसरमा ग्राहकहरूको सुविधालाई ध्यानमा राख्दै सिप्रदीले टाटा मोटर्सको लागि दशैँभरी सिप्रदीको फास्ट डिसी चार्जिङ्ग स्टेशनमा निःशुल्क चार्जिङ्गको घोषणा गरेको छ ।

साथै टाटा मोटर्सले आफ्ना देशभरीको सर्भिस सेन्टरहरूबाट आकस्मिक सेवा प्रदान गर्ने जानकारी गराएको छ । बिदाको समयमा पनि टाटाका बाघडोल र गोँगबुस्थित दुई वटा सर्भिस सेन्टरहरू खुला हुनेछन् । जसमा प्यासेञ्जर तथा ट्याक्सीहरू सर्भिसिङ्ग तथा चार्जिङ्गको व्यवस्था मिलाइएको छ भने अन्य सर्भिस सेन्टरहरूमार्फत् ब्रेक डाउन सर्भिस प्रदान गरिनेछ । बाटोमा रोडसाइड सेवाका लागि हटलाइन टोल फ्रि नं. १६६००१५५७७७ वा ९८०१५७५७७७ मा सम्पर्क गर्न सकिनेछ ।

निःशुल्क चार्जिङ्ग एक्प्रेस-टिमा लागू भने हुने छैन ।
सिप्रदीको नेपालभरी १८५+ चार्जिङ्ग नेटवर्क र १६ वटाभन्दा धेरै सर्भिस सेन्टरहरू रहेका छन् । थप चार्जिङ्ग नेटवर्कको जानकारीको लागि – https://tatacars.sipradi.com.np/vehicle/charginglocation यस लिङ्कबाट पनि थप जानकारी प्राप्त गर्न सकिनेछ ।