काठमाडाैं, कार्तिक ४ ।
सुपर ओभरको रोमाञ्चक क्षणमा सोमपाल कामी नायक बनेपछि नेपालले अमेरिकालाई पराजित गर्दै तीन टी-२० को शृंखलामा अर्को एक खेल बाँकी छँदै कब्जा जमाउन सफल भएकाे छ ।

सुपर ओभरमा सोमपालले पहिलो र दोश्राे बलमा १/१ रन दिँदै तेश्राे र चौथो बलमा सायन र एरोन जोन्सलाई लगातार आउट गरेपछि अमेरिका २ रनमा नै आउट हुन पुग्यो । जवाफमा नेपालले ४ बलमा ३ हान्दै नेपाललाई जित दिलाए ।

निकै नै रोमाञ्चक बनेको आज आइतबार बिहानको खेलमा एकपछि अर्को नाटकीय क्षण देखिएको थियो ।

सुरुमा पहिलो ब्याटिङ गरेको नेपालले १७० रन बनाउँदा बलियो स्थितिमा देखिएको थियो ।