काेटेश्वरबाट अपहरणमा परेकी महिलाकाे चाल्नाखेलबाट सकुशल उद्धार, एक महिला पक्राउ, एक फरार

काठमाडाैं, कार्तिक ७ ।
काठमाडौंको चाल्नाखेलमा बन्धक बनाएर राखिएकी महिलालाई उपत्यका अपराध अनुसन्धान कार्यालयको टोलीले उद्धार गरेको छ ।
पीडितलाई सकुशल उद्धार गरिएको उपत्यका अपराध अनुसन्धान कार्यालयका एसपी काजीकुमार आचार्यले जानकारी दिएका छन् । काठमाडौंको कोटेश्वरबाट एक जना महिला अपहरणमा परेको भन्दै प्रहरी समक्ष सूचना पुगेको थियो ।
बन्धक बनाउने काममा संलग्न एक जना युवतीलाई प्रहरीले पक्राउ गरेको छ । विदेश जाने सिलसिलामा १६ लाख रुपैयाँ लिएको विषयमा विवाद हुँदा आरोपीहरूले महिलालाई बन्धक बनाएका हुन् ।
अपहरणमा संलग्न एक जना फरार रहेका छन् । घटनाबारे प्रहरीले थप अनुसन्धान अगाडि बढाइएकाे छ ।
प्रतिक्रिया