काठमाडाैं, कार्तिक ९ ।
“ग्लोबल एजुकेसन (GEDU) पार्टनर्स मिट-२०२४” काठमाडौंको ह्यात रिजेन्सीमा बुधबार भव्य सफलताका साथ सम्पन्न भएको छ । नेपालको उच्च शिक्षा क्षेत्रलाई रूपान्तरण गर्ने दिशामा यस मिट एक कोशेढुङ्गा साबित भएकाे छ । यस कार्यक्रममा ३०० भन्दा बढी शैक्षिक जगतका साझेदार, विज्ञ, वुद्धिजिवी र अन्य विशिष्ट व्यक्तित्वहरूको उल्लेख्य सहभागिता रहेकाे थियो । कार्यक्रममा GEDU ले नेपालको शैक्षिक प्रणालीमा सकारात्मक परिवर्तन ल्याउने दृढ प्रतिबद्धतासमेत व्यक्त गरेकाे छ ।

कार्यक्रमलाई  सम्बोधन  गर्दै  GEDU का प्रमुख कार्यकारी अधिकृत  डा. विश्वजित राणाले GEDU को वृहत विश्वव्यापी सञ्जालमार्फत् नेपालको उच्च शिक्षा विकासलाई  निरन्तर नयाँ उचाईसम्म पुर्‍याउने आफ्नो  दूरगामी सोच रहेको बताए । GEDU ले दुबई, माल्टा, फ्रान्स, जर्मनी, अमेरिका, अष्ट्रेलियालगायतका देशहरूमा नेपाली विद्यार्थीहरूलाई गुणस्तरीय तथा अन्तर्राष्ट्रिय शिक्षा र रोजगारीका अवसरहरू प्रदान गर्दै आइरहेकाे छ ।

डा. राणाले GEDU आफ्नो “शिक्षामार्फत् जीवन परिवर्तन” गर्ने  लक्ष्य अनुरूप नेपालका विभिन्न शहरहरूमा शैक्षिक पहुँच विस्तार गर्न  दृढताका साथ अगाडि बढिरहेको पनि जानकारी  दिँदै उनले GEDU का विश्वभरी रहेका १२ क्याम्पसहरूमा प्रदान गरिने शैक्षिक कार्यक्रमहरूबाट हालसम्म ६०,००० भन्दा बढी विद्यार्थीहरू लाभान्वित भएका र यीमध्ये नेपाली विद्यार्थी भाषितहरूलाई विदेशमा गुणस्तरीय शिक्षा र विविध साँस्कृतिक अनुभवहरू हासिल गर्न मद्दत मिलिरहेको बताए ।

त्यसैगरी, GEDU को सार्क क्षेत्र प्रमुख कुबेर कपुरले यो कार्यक्रमलाई “अपूर्व सफलता”को रूपमा परिभाषित गर्दै GEDU यसका नेपालस्थित साझेदार र अन्य सम्बद्ध निकायहरूसँग सहकार्य एवं समन्वय गरी नेपाली विद्यार्थीहरूलाई उच्चस्तरीय अन्तर्राष्ट्रिय शिक्षाको पहुँच गराउने प्रतिबद्धता व्यक्त गरे । उनले GEDU का विश्वभर रहेका उत्कृष्ट क्याम्पसहरूले नेपाली विद्यार्थीहरूको लागि उच्च शिक्षा प्राप्त गर्न मार्ग खुला गर्ने कुरा पनि बताए ।

पार्टनर्स मिटमा नेपाल शैक्षिक परामर्श संघ (इक्यान)का अध्यक्ष शेषराज भट्टराई, स्वतन्त्र शैक्षिक परामर्श संघ नेपाल (फेकन)को गण्डकी प्रदेश समिति अध्यक्ष सञ्जय सुवेदी, इक्यान पूर्वअध्यक्ष बिष्णुहरि पाण्डे र प्रकाश पाण्डेले पनि उपस्थिति जनाएका थिए ।

कार्यक्रममा GEDU ले आफ्नो लक्ष्य प्राप्ति तर्फको यात्रामा सक्रिय सहयोग गर्ने नेपालका उत्कृष्ट साझेदारहरूलाई सम्मान गरेको थियो ।

“ग्लोबल एजुकेसन पार्टनर्स मिट-२०२४” नेपालमा हालसम्म आयोजित सबैभन्दा ठूलो शैक्षिक कार्यक्रमसमेत रहेकाे छ । यो नेपालको उच्च शिक्षा क्षेत्रलाई रूपान्तरण गर्ने दिशामा यस मिट एक कोशेढुङ्गा साबित भएको बताइएकाे छ ।