काठमाडाैं, कार्तिक २६ ।
भारत दक्षिण अफ्रिकासँगको टी-२० सिरिजको दोश्राे खेलमा पराजित भएको छ । गएराति सम्पन्न खेलमा दक्षिण अफ्रिकाले भारतलाई ३ विकेटले पराजित गरेको हो ।

भारतले दिएको १२५ रनको लक्ष्य पछ्याएको दक्षिण अफ्रिकाले १९ ओभरमा ७ विकेट गुमाउँदै लक्ष्य पूरा गरेको थियो । यसअघि पहिला ब्याटिङ्ग गरेको भारतले २० ओभरमा ६ विकेट गुमाउँदै १२४ रन बनाएको थियो ।

दक्षिण अफ्रिकाको यो जितपछि ४ खेलको सिरिज १-१ ले बराबरी भएको छ । यसअघि पहिलो खेल भारतले जितेको थियो । अब सिरिजको तेश्राे खेल बुधबार हुने भएकाे छ ।