काठमाडाैं, मंसिर १२ ।
मेडिकल व्यावसायी दुर्गा प्रसाईंका समर्थकहरूले काठमाडौंमा आज बुधबार प्रदर्शन गरेका छन् ।

प्रसाईंको बन्दी प्रत्यक्षीकरणको मुद्दा सर्वोच्च अदालतमा पेसी चढेसँगै उनका समर्थकहरूद्वारा काठमाडाैंकाे माइतीघरमा प्रदर्शन गरेका हुन् । प्रदर्शनकारीहरूले उनको रिहाइको मागसमेत गरेका छन् ।

उनीहरूले ‘दुर्गा प्रसाईंको जीवन रक्षा गर, कम्बोडियाको कालो धन छानबिन गर, मानअधिकारको रक्षा गर’लगायत नारा लेखिएको ब्यानर र प्लेकार्डसहित प्रदर्शनमा उत्रिएका हुन् ।

प्रधानमन्त्री केपी शर्मा ओलीविरुद्ध अफवाह फैलाएको आरोपमा उनलाई मंसिर ४ मंगलबार गते केन्द्रीय अनुसन्धान ब्यूरोले पक्राउ गरेको थियो ।

पक्राउ परेकाे केही दिनपछि आफू क्यान्सरकाे बिरामी भएकाे बताउँदै स्वास्थ्य उपचारका लागि वीर अस्पतालमा भर्ना गरिएकाे थियाे ।