काठमाडाैं, मंसिर १२ ।
ललितपुर महानगरपालिका वडा नं.-८ ले चौथो अल नेपाल अन्तर वडा टेबल टेनिस प्रतियोगिताको पुरुष टीम इभेन्टको उपाधी आज बुधबार जितेको छ ।

स्पिन इभेन्ट (प्रा.) लि.द्वारा आयोजित प्रतियोगिताको फाइनलमा वडा नं.-८ ले सोही महानगरपालिकाको वडा नं.-७ लाई ३-२ ले पराजित गरेकाे हाे । ललितपुर १६ र काठमाडौं महानगरपालिका वडा २६ तेश्रो भएकाे छ ।

पुरुष भेट्रान टीममा ललितपुर १६ पहिलो भयो । लैनचौरस्थित राष्ट्रिय टेबल टेनिस प्रशिक्षण केन्द्रमा भएको फाइनलमा ललितपुर १६ ले ललितपुर ११ लाई ३-० ले हरायो । ललितपुरकै वडा ९ र २० तेश्रो बने । यससँगै प्रतियोगितामा ४ स्पर्धाको फाइनल सम्पन्न भएको छ । प्रतियोगितामा ११ स्पर्धा समावेश रहेकाे थियाे ।