काठमाडाैं, मंसिर १७ ।
काठमाडौंको कीर्तिपुर नगरपालिकामा कांग्रेसले क्लिनस्विप गरेको छ ।

२ वडाध्यक्षसँगै मेयर पदका उम्मेदवार कांग्रेसका कृष्णमान डंगोलले जित हात पारेका छन् । एमालेले तेश्रो स्थानमा चित्त बुझाउनु परेको छ ।

दोश्रो स्थानमा माओवादी उक्लिएको छ ।

कीर्तिपुरको मेयर पदका लागि एमालेका सुरेन्द्र मानन्धर र माओवादीका शिवशरण महर्जन प्रतिस्पर्धामा थिए । यस्तै स्वतन्त्र उम्मेदवार राजमान महर्जन रहेका थिए ।

कांग्रेसका कृष्णमानले ५ हजार ५ सय ६ मत ल्याउँदा माओवादीका शिवशरण महर्जनले ५ हजार ६७ मत पाएका छन् । एमालेका सुरेन्द्रले ४ हजार ३ सय २६ मत मात्र पाए ।

निर्वाचन अधिकृत इन्दिरा कार्कीले मतगणना सकिएको र चाँडै नै आधिकारिक रूपमा घोषणा गर्ने दिएकी छन् ।