काठमाडाैं, मंसिर १८ ।
दक्षिण कोरियाका चर्चित अभिनेता पार्क मीन जेको ३२ वर्षकाे कलिलै उमेरमा निधन भएको छ । अभिनेता जेको मृत्यु कार्डियक अरेस्टका कारण भएको बताइएको छ ।

कोरियाली सञ्चार माध्यमकाअनुसार उनी चीनमा बिदा मनाउन गएका थिए । त्यहीँ उनको मृत्यु भएको बताइएको छ ।

मृत्युको खबर अभिनेताको परिवार र उनको एजेन्सीले सामाजिक सञ्जालमा एउटा पोस्टमार्फत् जानकारी दिएका हुन् । उनको अन्तिम संस्कार इवाह सोल अस्पतालमा नोभेम्बर ४ मा गरिने बताइएको छ । जेले कैयौँ कोरियाली ड्रामा फिल्म र सिरिजमा आफ्नाे अभिनय प्रस्तुत गरेका छन् ।

उनी सबैभन्दा धेरै भने कोरियाली ड्रामा सिरिज ‘आइडलः द कूप’का चर्चित कलाकारसमेत थिए । यसबाहेक उनले लिटल वुमन, नम्बर्स, कोरियन-खितन वार, कल इट लभ जस्ता ड्रामामा पनि काम गरेका छन् ।

उनले हालै स्न्याप एण्ड स्पार्क नाम गरेको ड्रामामा काम गरेका थिए ।