काठमाडाैं, मंसिर १८ ।
बसको ठक्करबाट कैलालीमा एक किशोरीको ज्यान गएको छ । सुपप्र ०१-००१ ख ३५२० नम्बरको बसको ठक्करबाट गौरीगङ्गा नगरपालिका-९ की १३ वर्षीया हरिना विकको ज्यान गएको हो ।

जिल्ला प्रहरी कार्यालयकाअनुसार मसुरियामा बाटो काट्ने क्रममा आज मंगलबार बिहान हरिनालाई बसले ठक्कर दिएको थियो ।

बसको ठक्करबाट गम्भीर उनलाई उपचारको लागि सेती प्रादेशिक अस्पताल पुर्‍याइएको उनको उपचारको क्रममा ज्यान गएको जिल्ला प्रहरी कार्यालयका प्रवक्ता प्रहरी नायब उपरीक्षक कविन्द्रसिंह बोहराले जानकारी दिए ।

बससहित चालक घोडाघोडी नगरपालिका-१ का राजेश चौधरीलाई प्रहरीले नियन्त्रणमा लिएको छ ।