काठमाडाैं, मंसिर २० ।
काठमाडौंको जडीबुटीमा कार र मोटरसाइकल दुर्घटना हुँदा एक पुरुषको मृत्यु भएको छ ।

काठमाडौं महानगरपालिका-३२ जडीबुटीस्थित सडकमा बा. २० च १६०५ नम्बरको कार र लु. ४८ प ७११० नम्बरको मोटरसाइकल एकापसमा ठक्कर खाई दुर्घटना भएको प्रहरीले जानकारी दिएको छ ।

गएराति भएको दुर्घटनामा मोटरसाइकल चालक स्याङ्जा वालिङ नगरपालिका-४ घर भई काठमाडौंको अनामनगर बस्ने ३० वर्षीय बुद्धिसागर चापागाईको मृत्यु भएको छ ।

दुर्घटनामा गम्भीर घाइते भएका उनको राष्ट्रिय ट्रमा सेन्टरमा उपचारको क्रममा मृत्यु भएको हो । कार चालकलाई प्रहरीले नियन्त्रणमा लिएको छ ।