काठमाडाैं, मंसिर २३ ।
राष्ट्रिय स्वतन्त्र पार्टी (रास्वपा) ले सभापति रवि लामिछानेलाई चितवनबाट पोखरा लाने क्रममा मानव अधिकार हनन् भएको भन्दै राष्ट्रिय मानव अधिकार आयोगमा उजुरी दिएको छ ।

प्रहरीले कात्तिक २ गते पक्राउ गरेदेखि नै राज्य संयन्त्रबाट सभापति लामिछानेमाथि विभिन्न किसिमले अमानवीय, अपमानजनक तथा गैरन्यायिक व्यावहार र मानसिक यातना दिने कार्य भएको भन्दै रास्वपाले आयोगमा उजुरी दिएको हो । २० मंसिरको राति चितवनबाट पोखरा स्थानान्तरण गर्दा राज्य संयन्त्रको दुरूपयोग गरिएको रास्वपाले जनाएको छ ।