काठमाडाैं, मंसिर २७ ।
राष्ट्रिय स्वतन्त्र पार्टी (रास्वपा) का सभापति एवं पूर्वगृहमन्त्रीसमेत रहेका रवि लामिछाने थप पाँच दिन प्रहरी हिरासतमै रहने भएको छ ।

उनलाई अदालतले थप पाँच दिन म्याद थपेर अनुसन्धान गर्न प्रहरीलाई अनुमति दिएको छ ।

जिल्ला अदालत कास्कीमा आज बिहीबार न्यायाधीश चन्द्रकान्त पौड्यालको इजलासले उनलाई थप पाँच दिन म्याद थप गरेर अनुसन्धान गर्न अनुमति दिएको हो ।

प्रहरीले अझै ९ दिन हिरासतमा राखेर अनुसन्धान गर्न अनुमति माग गरे तापनि अदालतले पाँच दिनको मात्रै म्याद थप दिएको हो ।

गत कार्तिक २ गते पक्राउ परेका लामिछानेको हिरासत बसाई अब दुई महिना पुग्ने भएकाे छ ।

प्रहरीले सहकारीको रकम अनियमिततासँगै संगठित अपराध र सम्पत्ति सुद्धिकरणमा पनि अनुसन्धान सुरु गरेकाले लामिछानेलाई ९० दिनसम्म हिरासतमा राखेर अनुसन्धान गर्न सक्छ ।