एजेन्सी, मंसिर २७ ।
भारतीय सेनाले बिहीबार सात जना माओवादी विद्रोहीलाई गोली हानेर हत्या गरेको छ । सेनाले छत्तीसगढ राज्यको बस्तर क्षेत्रको दुर्गम जंगलमा भएको झडपका क्रममा उनीहरूलाई गाेली हानेर हत्या गरेको हो ।

लामो समयदेखि जारी सशस्त्र द्वन्द्वलाई दबाउन सुरक्षा बलले प्रयास तीब्र पारेपछि पछिल्ला केही महिनामा भारतमा नक्सलवादी आन्दोलनका नामले चिनिने माओवादी विद्रोहीले व्यापक क्षति ब्यहोर्नु परेको छ ।

दशकौँ लामो नक्सलवादी आन्दोलनका क्रममा १० हजारभन्दा बढी मानिसको मृत्यु भइसकेको छ । नक्सलवादी समूहकाअनुसार भारतको संसाधन-समृद्ध मध्य क्षेत्रका सीमान्तकृत आदिवासीहरूको अधिकारका लागि लडिरहेका छन् ।

हालैका वर्षहरूमा विद्रोह निकै खुम्चिएको छ र सुरक्षा बलको कारबाहीमा यस वर्ष २०० जनाभन्दा बढी विद्रोही मारिएको सरकारी तथ्याङ्कमा उल्लेख गरिएकाे छ ।