जारी ईपीएल फुटबलमा म्यान्चेस्टर युनाईटेड र म्यान्चेस्टर सिटी विजयी

काठमाडौं, माघ २४ ।
जारी रहेको इङ्गलिश प्रिमियर लिग फुटबलअन्तर्गत गएराति भएको खेलमा म्यान्चेस्टर युनाईटेड र म्यान्चेस्टर सिटी विजयी भएको छ ।
खेलमा म्यान्चेस्टर सिटीले स्वान्सी सिटीलाई २–१ गोलले हराएको छ भने म्यान्चेस्टर सिटीलाई विजयी गराउन ग्याब्रिएल जिससले दुई गोल गरेका थिए । ब्राजिलियन खेलाडी जिसस यही जनवरीमा म्यान्चेस्टर सिटी प्रवेश गरेका खेलाडी हुन् ।
गएराति नै भएको अर्को खेलमा म्यान्चेस्टर युनाईटेडले लेष्टर सिटीलाई ३ विरुद्ध शून्य गोल अन्तरले पराजित गरेको छ । खेलमा म्यान्चेस्टर युनाईटेडलाई विजयी गराउन हेन्रिक मख्तरीयान, ज्लातन ईब्राहिमोभिच र हुँवा माटाले एक एक गोल गरेका थिए ।
उक्त खेलपछि लिगमा २४ खेलबाट ५९ अंकसहित चेल्सी शीर्ष स्थानमा नै कायमै रहेको छ । ५० अंक जोडेको टोटनह्याम हट्सपर दोश्रो स्थानमा छ भने ४९ अंकको साथ म्यान्चेस्टर सिटी तेश्रो स्थानमा उक्लिएको छ ।
प्रतिक्रिया