काठमाडाैं, पुष २ ।
बझाङमा भूकम्पको धक्का महशुस गरिएको छ । आज मंगलबार साँझ तलकोट गाउँपालिकाको धमेनानजिक ४ दशमलव ३ रेक्टर स्केलको भूकम्प गएको भूकम्प मापन केन्द्रले जनाएको छ । भूकम्पको धक्का जिल्लाभर महशुस गरिएको थियो ।

केन्द्रकाअनुसार तलकोट, रूपातोला र धमेनाको बीचको क्षेत्रलाई केन्द्रबिन्दु बनाएर भूकम्प गएको हो । भूकम्पबाट क्षति नभएको जिल्ला प्रहरी कार्यालयका प्रवक्ता किशोर जोशीले जानकारी दिएका छन् ।