काठमाडाैं, पुष ५ ।
रोल्पामा गएराति घाँटी रेटेर एक युवाको हत्या गरिएको छ ।

थबाङ गाउँपालिका-५, उवाकाे एक हाेटलमा सुतिरहेका सुनछहरी गाउँपालिका-५, जैमाकसलाका सीताराम रोका क्षेत्रीको हत्या भएको हो ।

सुमित होटलमा खाना खाएर सुतेका ३६ वर्षीय रोकाको घाँटी रेटेर हत्या गरेको अवस्थामा फेला शव परेको जिल्ला प्रहरी कार्यालयका प्रवक्ता रोहितकुमार शाहीले बताए । लु. १ ज १८४७ नम्बरको जिप चालक रहेका उनको आज शुक्रबार बिहान अबेरसम्म पनि नउठेपछि होटल सञ्चालकले प्रहरीलाई खबर गरेका थिए ।