काठमाडाैं, पुष ७ ।
आफूलाई सामाजिक अभियन्ता बताउँदै आएका निकोलस भुषाल पक्राउ परेका छन् ।

केही दिनअघि हिरासतमा सुतिरहेका रास्वपा सभापति रवि लामिछानेको फोटो सार्वजनिक गरेको आरोपमा प्रहरीले उनलाई पक्राउ गरेको हो ।

उनलाई काठमाडौंबाट आज आइतबार पक्राउ गरिएको काठमाडौं उपत्यका अपराध अनुसन्धान कार्यालयका प्रमुख एसएसपी सानुराम भट्टराईले जानकारी दिए ।

कानून विपरीत फोटो सार्वजनिक गरेपछि गृहमन्त्री रमेश लेखकले यसमा संलग्नमाथि कारबाही गर्न प्रहरीलाई निर्देशन दिएका थिए । सोही आधारमा उनीविरुद्ध पक्राउ पुर्जीसमेत जारी भइसकेको थियो ।

उनलाई भोलि सोमबार कास्की पठाइने भएको छ ।