काठमाडाैं, पुष १० ।
मुग्लिङ काठमाडौं सडकखण्डको धारापानीमा भारतीय मालबाहक ट्रक दुर्घटनामा परेको छ । आज बुधबार दिउँसो धादिङ प्रहरीकाअनुसार आरजे जीपी ८२८१ नम्बरको ट्रक काठमाडौंतर्फ आउँदै गर्दा सडकको दाँयापट्टि दुर्घटना भएको हो ।

उक्त ट्रकले भारतबाट काठमाडौंमा प्लाइ लिएर आउँदै गरेको थियो । सडक निर्माण भइरहेकाले सडकखण्को नालीमा परेर ट्रक दुर्घटना भएको एक प्रहरी अधिकृतले जानकारी दिए ।

आवागमनमा कुनै अवरोध नभएको र दुबैतर्फ सहज रूपमा नै यातायातको आवागमन भइरहेको ती प्रहरी अधिकृतले जानकारी दिए । दुर्घटनामा परी कुनै पनि मानवीय क्षति नभएको उनको भनाई रहेकाे छ ।