काठमाडाैं, पुष १० ।
नेपालमा सोकोन र फोटोन गाडीको आधिकारीक आयातकर्ता एमएडब्लु वृद्धि कमर्शियल (प्रा.) लि.ले आज बुधबार भक्तपुरमा आफ्नो पहिलो शोरुमको भव्य समुद्घाटन गरेको छ । यो शुभारम्भले एमएडब्लु वृद्धिको विस्तार र ग्राहक उत्कृष्टताप्रतिको प्रतिबद्धतालाई अझै बलियो बनाएको कम्पनीले जनाएकाे छ ।

एमएडब्लु समूहका अध्यक्ष विष्णु कुमार अग्रवाल, एशिया प्यासिफिक आरएचडी क्षेत्र सेरेस ग्रुप कमर्शियल भेहिकल डिभिजनका कन्ट्री म्यानेजर सुन जियाक्सिन, एमएडब्लु वृद्धि कमर्शियलका सीईओ तुषार गुप्तालगायत अन्य विशिष्ट अतिथी, मिडिया र सरोकारवालाहरूको गरिमामय उपस्थितिमा उक्त शोरुमको औपचारिक समुद्घाटन गरिएको थियो ।

भक्तपुर नगरपालिकाको गट्ठाघरमा अवस्थित शोरुमले आगन्तुकहरूलाई सोकोनका नवीनतम् ईभी मोडलहरू प्रदर्शन गर्दै इमर्सिभ अनुभव प्रदान गरेकाे छ । ग्राहकको आराम र सुविधालाई ध्यानमा राखेर डिजाइन गरिएको यो सुविधा सम्पन्न शोरुममा व्यक्तिगत परामर्श, उत्पादन प्रदर्शन र परीक्षण ड्राइभहरू प्रदान गर्न विशिष्ट प्रशिक्षण प्राप्त कर्मचारीहरूको समर्पित टोली तयार रहने भएकाे छ ।

कार्यक्रमको मुख्य आकर्षणका रूपमा समुद्घाटनका दौरान ११ वटा सोकोन गाडीहरू उनीहरूकै नयाँ मालिकहरूलाई वितरण गरिएको थियो ।

भक्तपुर शोरुमको समुद्घाटनले नेपालमा एमएडब्लु वृद्धिको उपस्थितिलाई बलियो बनाउँदै पहुँच योग्य र नवीन अटोमोटिभ समाधानहरू उपलब्ध गराउने कम्पनीको समर्पणलाई पनि सुदृढ बनाएको कम्पनीले एक प्रेस विज्ञप्ति जारी गरी जनाएकाे छ ।