काठमाडौं, पुष ११ ।
नेपाल राष्ट्र बैंकबाट ‘ख’ वर्गको इजाजत पत्र प्राप्त राष्ट्रियस्तरको विकास बैंक गरिमा विकास बैंक लिमिटेड कोष प्रबर्द्धक (Fund Sponsor) तथा गरिमा क्यापिटल लिमिटेड योजना व्यवस्थापक (Fund Manager) रहेको सामूहिक लगानी कोष गरिमा म्युचुअल फण्ड (Garima Mutual Fund) अन्तर्गत पहिलो बन्दमुखी योजना (First Close-Ended Scheme) को रु. एक अर्ब बराबरको “गरिमा समृद्धि योजना” को निष्काशन तथा बिक्री चार (४) कार्य दिनमा नै सम्पन्न गर्न सफल भएको व्यहोरा सम्बन्धित सबैमा सहर्ष जानकारी गराएको छ ।

गरिमा समृद्धि योजनाको बीज पूँजीसहित प्रति इकाई अंकित मूल्य रु. १० दरको १०,००,००,००० (दश करोड) इकाईहरू मिति २०८१ साल पुष ७ गतेदेखि २०८१ साल पुष ११ गतेसम्मका लागि सार्वजनिक निष्काशन खुला गरिएकोमा उक्त अवधिभर रितपूर्वक मागभन्दा बढी रकमको लागि आवेदन पर्न आएकाले सार्वजनिक निष्काशन तथा बिक्री कार्य मिति २०८१ साल पुष ११ गतेदेखि लागू हुने गरी बन्द गरिएको व्यहोरा सम्बन्धित सबैमा सहर्ष जानकारी गराएको छ ।

यस निष्काशन कार्यमा सहयोग तथा सद्भाव प्रदान गर्नुहुने सम्पूर्ण शुभेच्छुकहरू, लगानीकर्ता आवेदकहरू, सी–आश्बा सदस्य बैंक तथा वित्तीय संस्थाहरू, निष्काशन बैंक तथा सम्बन्धित सबै नियमन निकायहरूमा हार्दिक धन्यवाद ज्ञापनसमेत गरेका छन् । यसका साथै, आगामी दिनहरूमा समेत सबैको साथ, सहयोग तथा सद्भाव कायम रहनेछ भन्ने पूर्ण विश्वास रहेको बैंकले एक प्रेस विज्ञप्ति जारी गरी जनाएको छ ।