एजेन्सी, पुष १५ ।
फिलिपिन्सको सबैभन्दा ठूलो टापु लुजोनमा भूकम्प गएको छ । मनिला र क्वेजन सिटीजस्ता मुख्य शहरमा सोमबार ५ दशमलव ६ रेक्टर स्केलकाे भूकम्पको धक्का महशुस गरिएको हो ।

रोयटर्सकाअनुसार भूकम्प १० किलोमिटरको गहिराइमा गएको थियो । फिलिपिन्सका अधिकारीहरूले भूकम्पले ठूलो क्षति नगर्ने आँकलन गरेका छन् । तर, पछि पराकम्पनहरू जान सक्ने भएकाले सतर्कता अपनाउन सल्लाहसमेत दिएकाे छ ।

फिलिपिन्समा भूकम्पहरू सामान्य हुन्, जहाँ विश्वका धेरैजसो भूकम्प र ज्वालामुखी निस्कने गरेका छन् । स्थानीय सरकार र विपद् व्यवस्थापन निकायहरूले स्थितिको आँकलन गरिरहेको स्थानीय  सञ्चारमाध्यमहरूले उल्लेख गरेका छन् ।