एआईजी किरण बज्राचार्यलाई बिदाइ, भोलिदेखि अनिवार्य अवकाश

प्रकाशित मिति: १५ पुष २०८१, सोमबार १९:०४


काठमाडौं, पुष १५ ।
राजधानी काठमाडौं उपत्यका प्रहरी प्रमुख अतिरिक्त महानिरीक्षक (एआईजी) किरण बज्राचार्यलाई बिदाइ गरिएको छ ।

भोलि मंगलबारदेखि ५६ वर्षे उमेर हदका कारण अनिवार्य अवकाशमा जान लागेकी बज्राचार्यलाई आज सोमबार बिदाइ गरिएको हो ।

योसँगै काठमाडौं उपत्यका प्रहरी कार्यालय प्रमुख पद रिक्त भएको छ । ललितपुर निवासी उनी काठमाडौं उपत्यका प्रमुख बन्ने पहिलो महिला एआईजीसमेत थिइन् ।

बज्राचार्यले २०५१ सालमा प्रहरी निरीक्षकको रूपमा सेवा थालेर एआईजीसम्म बनेकी थिइन् ।


प्रतिक्रिया

ताजा खबर

More