काठमाडाैं, पुष १६ ।
बैतडी केन्द्रबिन्दु बनाएर आज मंगलबार बिहान भूकम्प गएको छ । बैतडीको नवाघर वरपर केन्द्रबिन्दु बनाएर आज बिहान ७ बजेर ५४ मिनेटको समयमा भूकम्प गएको हो । नवाघर वरपर केन्द्रबिन्दु बनाएर ४ दशमलव ६ रेक्टर स्केलको भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ ।

आसपासका जिल्लाहरूमा पनि भूकम्पको धक्का महशुस गरिएको थियो । विगत केही दिनदेखि बझाङ, मनाङ, बाजुरा, दार्चुला, जाजरकोटलगायत पश्चिम नेपालका जिल्लाहरुमा भूकम्पका धक्का महशुस हुँदै आएको छ ।