काठमाडौं, पुष १८ ।
काठमाडौंमा आज बिहीबार दिउँसो भूकम्पको  धक्का महशुस भएको छ । दिउँसो १ बजेर २ मिनेटमा भूकम्प गएको राष्ट्रिय भूकम्प मापन तथा अनुसन्धान केन्द्र लैनचौरले जनाएको छ ।

सिन्धुपाल्चोकको माझीटार केन्द्रबिन्दु भएर  ४ दशमलव ८ रेक्टर स्केलको भूकम्प जाँदा काठमाडौंसम्म धक्का महशुस भएको हो ।

यसअघि, पुस १६ गते बैतडीको सिगास गाउँपालिकाको न्वाघर क्षेत्रलाई केन्द्रबिन्दु बनाएर ४ दशमलव ६ रेक्टर स्केलकै भूकम्प गएको थियो ।