एजेन्सी, पुष २१ ।
भारतको गुजरातमा तटरक्षक बलको हेलिकोप्टर दुर्घटनामा परेको छ ।

राज्यको पोरबंदर विमानस्थलमा सो हेलिकप्टर दुर्घटना भएको भन्दै स्थानीय सञ्चार माध्यमहरूले उल्लेख गरेका छन् ।

दुर्घटनामा तीन जनाको मृत्यु भएको तथा अन्य केही मानिसहरू घाइते भएका बताइएको छ । हेलिकोप्टर एएलएच ध्रुव नियमित उडानको क्रममा दुर्घटनामा परेको बताइएको छ ।

हाल उद्धार कार्य जारी रहेको छ । दुर्घटनासम्बन्धी थप जानकारी आउन बाँकी रहेको छ ।