काठमाडाैं, पुष २४ ।
कीर्तिपुर नगरपालिकामा हाइलक्स गाडी दुर्घटनामा परेकाे छ । आज बुधबार बिहान करिब सवा ८ बजेतिर शिक्षा तथा मानव श्राेत केन्द्रको लु. ३ फ ३२५ नम्बरको गाडी दुर्घटनामा परेको हो ।

गाडी सडकबाट करिब एक सय मिटर तल भीरमा झरेको छ । उक्त गाडी जनक खत्रीले चलाएका थिए । प्रहरीकाअनुसार दुर्घटनामा चालकसहित चार जना घाइते भएका छन् ।

घाइते हुनेहरूमा कीर्तिपुरकी ४७ वर्षीया सम्झना देवकोटा, मध्यपुर ठिमी बस्ने ४७ वर्षीय विजय सत्याल र रुकुम घर भई काठमाडौं बस्ने ३३ वर्षीय शंकर बुढाथोकीलगायत रहेका छन् । घाइतेहरूको अवस्था सामान्य रहेको प्रहरीले जनाएको छ ।