काठमाडौं, फागुन १२ ।
आइजीआई प्रुडेन्सियल इन्स्योरेन्स लिमिटेडले मिति २०८१/११/१० गते बल्थली भिलेज रिसोर्ट, काभ्रेपलाञ्चोकमा कम्पनीका उच्च व्यवस्थापनको रोहबरमा कम्पनीका ७ वटै प्रदेशका प्रमुखहरू, विभागीय प्रमुखहरू तथा वागमती प्रदेशअन्तर्गत काठमाडौं उपत्यकाभित्रका शाखा प्रबन्धकहरू समेतको सहभागितामा कम्पनीले पालना गर्नुपर्ने अनुपालन तथा AML/CFT तालिम तथा सेमिनारको आयोजन सम्पन्न गरेको छ ।

उक्त अवसरमा कम्पनीका अनुपालन विभागका प्रमुख प्रकाश कोइरालाले उच्च व्यवस्थापन, विभागीय प्रमुख तथा प्रदेश प्रमुख, शाखा प्रबन्धकहरूलाई अनुपालन तथा अम्ल/CFT को बारेमा विस्तृत रूपमा जानकारी गराएका थिए । सोही अवसरमा कम्पनीका प्रमुख कार्यकारी अधिकृत युगेशभक्त बादे श्रेष्ठले हरेक शाखा, प्रदेश तथा विभागीय प्रमुखले आफ्नो दैनिक काम कारबाही गर्दा कम्पनीका नियमक निकायहरूले दिएको निर्देशन त्यसैगरी ऐन नियम, कानून र उच्च व्यवस्थापनबाट समय-समयमा जारी हुने परिपत्र समेतको अक्षरस: पालना गरी ग्राहकमहानुभावहरूलाई सेवा प्रदान गर्नुपर्ने साथै आफ्नो दैनिक काम कारबाहीमा सोलाई पूर्ण रूपमा पालना गरी अगाडि बढ्न निर्देशन दिएका छन् ।

सोही अवसरमा श्रेष्ठले सबै विभागीय प्रमुखमार्फत् सबै विभागका कर्मचारीहरूलाई तथा प्रदेश प्रमुखमार्फत् शाखाका सम्पूर्ण कर्मचारीहरूलाई दैनिक रूपमा हरेक कार्य गर्दा तयार गर्नुपर्ने ग्राहक पहिचान, ऐन, नियम, निर्देशन तथा परिपत्रहरूको पालना गरेर मात्र कार्य गर्न निर्देशनसमेत दिएका छन् ।