काठमाडाैं, फागुन १५ ।
नेपाल राष्ट्र बैंकबाट ‘ख’ वर्गकाे इजाजत पत्र प्राप्त राष्टियस्तरकाे विकास बैंक गरिमा विकास बैंक लिमिटेड कर्पोरेट क्षेत्रमा प्रतिष्ठित ‘the HRM Awards for Corporate Excellence 2024′ बाट सम्मानित भएको छ ।

कर्पोरेट क्लब नेपालले वार्षिक रूपमा आयोजना गर्दै आएको यस अवार्ड समारोहमा यस वर्ष २२ वटा विभिन्न विधामा अवार्ड वितरण भएकोमा यस विकास बैंकलाई’Corporate Excellence 2024 in Development Bank, Regional Bank and Finance Company’ विधामा उक्त अवार्डबाट सम्मानित गरिएको हो ।

गृहमन्त्री रमेश लेखकको प्रमुख आतिथ्यमा २०८१ फागुन १३ गते मंगलबार द प्लाजा, ललितपुरमा आयोजना भएको उक्त अवार्डको जुरी मेम्बरमा प्रा.डा. फत्तबहादुर केसी (जुरी चिफ), सशिन जोशी (विभिन्न वाणिज्य बैंकको प्रमुख कार्यकारी अधिकृत रहिसकेका हाल अध्यक्ष, फोनपे पेमेन्ट सोलुसन (प्रा.) लि.),सरिता अधिकारी (पूर्वडाईरेक्टर, नेपाल राष्ट्र बैंक) र दिल भुषण पाठक (वरिष्ठ पत्रकार) रहेका थिए । यस उपाधिले आफ्ना ग्राहकहरूलाई निरन्तर सरल, सुरक्षित एवं गुणस्तरीय सेवा प्रदान गर्ने विकास बैंकको लक्ष्यलाई थप टेवा पुर्‍याएको छ भने आगामी दिनहरूमा थप गुणस्तरीय एवं ग्राहकमैत्री बैंकिङ्ग सेवा प्रवाह गरी बैंकलाई थप सबल बनाउन उत्प्रेरित र उत्तरदायी बोध गराएको छ ।

हाल गरिमा विकास बैंकले देशभर १ सय २३ वटा शाखा कार्यालय, १ वटा एक्स्टेन्सन काउण्टर र ५० वटा एटीएम मेसिनका साथै नविनतम डिजिटल बैंकिङ्गमार्फत् सरल, सुरक्षित एवं गुणस्तरीय सेवा प्रवाह गर्दै आइरहेको बैंकले एक प्रेस विज्ञप्ति जारी गरी जनाएकाे छ ।