काठमाडाैं, फागुन १६ ।
सुनचाँदी कारोबारको अन्तिम दिन आज शुक्रबार नेपाली बजारमा सुनचाँदीको मूल्य घटेको छ । आज प्रति तोला सुनको मूल्य २ हजार २ सय रुपैयाँले घट्दा चाँदीको मूल्य ३० रुपैयाँले घटेको छ ।

आज सुन प्रति तोलाको १ लाख ६८ हजार १ सय रुपैयाँमा कारोबार भइरहेको नेपाल सुनचाँदी व्यावसायी महासंघले जानकारी दिएको छ । बिहीबार सुनको मूल्य १ लाख ७० हजार ३ सय रुपैयाँमा कारोबार भएको थियो ।

महासंघकाअनुसार आज चाँदी प्रति तोलाको १ हजार ९ सय १५ रुपैयाँमा कारोबार भइरहेको छ । बिहीबार चाँदी प्रति तोलाको १ हजार ९ सय ४५ रुपैयाँमा कारोबार भएको थियो ।