भाेलि भक्तपुरकाे सल्लाघारीमा गायक सुशान्त केसीकाे कन्सर्ट हुँदै

प्रकाशित मिति: २३ फाल्गुन २०८१, शुक्रबार १६:०७


काठमाडाैं, फागुन २३ ।
भाेलि फागुन २४ गते शनिबारका दिन भक्तपुर नगरपालिकाको सल्लाघारीमा गायक सुशान्त केसीको कन्सर्ट हुने भएकाे छ । करिब साढे २ वर्षपछि पहिलो पटक उनी काठमाडौं उपत्यकामा ‘सुशान्त केसी लाइभ इन नेपाल’मार्फत् संगीतप्रेमी माझ गुञ्जिने भएका छन् ।

कन्सर्टको तयारी लगभग पूरा भइसकेको छ । नेपालमै पहिलो पटक उक्त कन्सर्टको स्टेजलाई दुबै साइटबाट क्रेनले उठाएको छ ।

स्टेजको र्‍याम्प जेनेरल प्लाटफर्मसम्म पुग्ने गरी बनाइएको छ ।

करिब १५ हजारभन्दा बढी दर्शकहरूकाे सहभागी गराउने लक्ष्य रहेको कन्सर्टमा चर्चित व्यक्तिहरू आउने आशा आयाेजक टीमले गरेकाे छ ।

केही दिनअघि गायक केसीले काठमाडौं महानगरका मेयर बालेन शाहलाई कन्सर्टमा आउन निम्तोसमेत दिएका थिए ।

काठमाडौंमा प्रस्तुति दिनु आफ्ना लागि सधैँ विशेष भएको र आफू उत्साहित रहेको सुशान्तले बताएका छन् ।

कन्सर्टमा सुशान्तले बार्दली, सारंगी, साथी र आमालगायत गीतसँगै नयाँ सिर्जना पनि पस्किने तयारी रहेका छन् ।

सुशान्तकाअनुसार दर्शकदीर्घाले सोही अवसरमा नयाँ एक ट्रयाक पनि सुन्न पाउने भएका छन् ।

कन्सर्टको सुरक्षा प्रबन्ध चुस्त बनाउन स्थानीय प्रशासनसँग समन्वय गरिएको आयोजकले जनाएको छ ।

एसकेसी इंक र द रोयल नेपाल इभेन्ट्सको संयुक्त आयोजनामा हुने उक्त कन्सर्टलाई भव्य बनाउन विभिन्न व्यवस्था मिलाइएको छ ।


प्रतिक्रिया

ताजा खबर

More