काठमाडाैं, फागुन २५ ।
काठमाडौं महानगरपालिकाको सामाखुसीमा ढलभित्र छिरेका एक युवकको प्रहरीले उद्धार गरेको छ ।

विपद् व्यवस्थापन महाशाखा सामाखुसीको टोलीले आज आइतबार बिहान काठमाडौं महानगरपालिका-२० टेकुस्थित कनक पेट्रोल पम्प नजिकैबाट ढलभित्र छिरेका युवकको उद्धार गरेको हो ।

उद्धारपछि करिब ३० वर्षीय ती युवकलाई उपचारको लागि ट्रमा सेन्टरमा लगिएको प्रहरी परिसर काठमाडौंका प्रवक्ता एसपी अपिलराज बोहोराले जानकारी दिएका छन् ।

‘ती युवकको नाम खुलेको छैन,’ एसपी बोहोराले भने, ‘उनको मानसिक सन्तुलन पनि ठिक नभएको आशंका हाम्रो छ । घटनाको थप अनुसन्धान हुँदैछ ।’