काठमाडाैं, फागुन २६ ।
भारतस्थित दिल्लीको प्रगति मैदानमा मार्च ४ देखि ८, २०२५ सम्म भव्यताका साथ आयोजित भारतकै सबैभन्दा ठूलो ट्रेड फेयर “आहार” मार्च ८, २०२५ मा समापन भएको छ । उक्त ट्रेड फेयरमा पहिलो पटक नेपालबाट सहभागी काबरा ग्रुपले क्वालिटी फुड एण्ड स्न्याक्स (प्रा.) लि., क्वालिटी फुड्स नेपाल (प्रा.) लि. र क्वालिटी नूडल्स इण्डष्ट्रिज (प्रा.) लि.का लोकप्रिय उत्पादनहरू बिस्कुट, स्न्याक्स तथा नूडल्सहरू “आहार” ट्रेड फेयरमा राखिएको थियो ।

प्रगति मैदानमा आयोजित “आहार” ट्रेड फेयरमा आकर्षक रूपमा सिंगारिएको स्टलमा प्रदर्शित बिस्कुट, नूडल्स तथा स्न्याक्सहरू अवलोकनकर्ताहरूको आकर्षणको केन्द्रमा रहेको थियो भने केटाकेटीदेखि युवा र प्रौढदेखि वृद्धवृद्धासम्मलाई सुहाउँदो बजार मूल्यमा नौलो स्वाद र आकर्षक प्याकेजिङका साथ प्रस्तुत गरेको “JACKPOT” ब्राण्डका नूडल्स तथा स्न्याक्सहरूप्रति सर्वसाधारणदेखि उद्योगी व्यावसायीहरूले अवलोकनको क्रममा देखाएको उत्सुकता, स्थानीय तथा तेश्रो मुलुकका व्यावसायीहरूको उत्साहजनक उपस्थितिका साथै व्यावसायिक सोधखोज, छलफल र अन्तरक्रियासमेत सम्पन्न गर्न सफल भएको सो ट्रेड फेयरमा भारतीय व्यावसायीहरूले प्रदेश र क्षेत्रगत सुपर डिष्ट्रिब्युटर्स, सोल डिष्ट्रिब्युटर्स र रिजनल डिष्ट्रिब्युटर्सको प्रस्तावनाहरू पेश गरेका छन् भने तेश्रो मुलुकबाट आएका व्यावसायीहरूले पनि डिष्ट्रिब्युटरका लागि आ-आफ्नो प्रस्तावहरू पेश गरेका छन् । “आहार” ट्रेड फेयरमा प्राप्त भएको यो सफलताले प्रोत्साहित काबरा ग्रुपले आउँदो वर्षमा अनुमानित २०० करोड माथिको निर्यात गर्ने लक्ष्य राखेको छ ।

ग्रुपअन्तर्गतका बिस्कुट, स्न्याक्स तथा नूडल्स उद्योगहरू वर्तमानमा श्याम काबराका छोरा सिद्धार्थ काबरा र राजेश काबराका छोरा मिलिन्द काबराले सम्हाल्दै आइरहेका छन् । विषयगत अध्ययन, राष्ट्रिय अन्तर्राष्ट्रिय बजारलाई नजिकबाट हेर्दै आएका सिद्धार्थ काबरा र मिलिन्द काबरा जाँगरिलो र मिजासिलो हुनुका साथै सबै तह र तप्काहरूलाई साथ लिएर हिँड्न हिँडाउन सक्ने क्षमता भएका युवा पुस्ता हुन् । उद्योगहरूको जिम्मेवारी सम्हालेको छोटो समयमा नै उनीहरूले कारोबारमा दिनानुदिन वृद्धि गर्दै विशेषतः नूडल्स तथा स्न्याक्स सेगमेण्टमा “KABS JACKPOT” लाई भारतीय बजारमा एक स्थापित ब्राण्डको रूपमा ब्राण्डिङ गराउन सफल हुनुभएको छ भने सार्क मुलुकका अन्य देशहरूलगायत तेश्रो मुलुकमा आज पनि निर्यात गर्दै आइरहेका छन् ।