काठमाडाैं, फागुन २७ ।
काठमाडौं शिवपुरी जंगलमा एक पुरुष मृत अवस्थामा फेला परेका छन् ।

तार्केश्वर नगरपालिका-६ धर्मस्थली बस्ने ५८ वर्षीय कान्छा महर्जन मृत अवस्थमा भेटिएका हुन् ।

उनलाई आज मंगलबार तार्केश्वर नगरपालिका-३ को पाँचमाने शिवपुरी जंगलमा मृत भेटिएको जिल्ला प्रहरी परिसर काठमाडौंका प्रवक्ता एसपी अपिलराज बोहोराले जानकारी दिएका छन् ।

उनी फागुन १० गतेदेखि हराइरहेको परिवारले बताएका छन् । उनको शव पोस्टमार्टमका लागि त्रिवि शिक्षण अस्पतालमा पठाइएको एसपी बोहोराले बताए ।

साे घटना सम्बन्धमा प्रहरीले थप अनुसन्धान अगाडि बढाइएकाे जनाएकाे छ ।