काठमाडौं, चैत १ ।
कुलेश्वरस्थित आफ्नो डिपो कार्यालयमा एक कार्यक्रमको आयोजना गरी पञ्चकन्या समूहद्वारा विश्व प्लम्बर दिवसको अवसर पारेर एक कार्यक्रमको आयोजना गरी विश्वभर सेवा प्रदान गरिरहेका प्लम्बरहरूको अमूल्य योगदानलाई सम्मान गर्न एक कार्यक्रमको आयोजना गरेको छ ।

कार्यक्रममा विशिष्ट विभिन्न क्षेत्रबाट प्रतिनिधित्व गर्ने विशिष्ट अतिथीहरू समेतको उपस्थिति रहेको थियो । सबै वक्ताहरूले राष्ट्रको विकासमा महत्वपूर्ण योगदान दिएका मेहनती प्लम्बरहरूको प्रशंसासमेत गरेका हुन् ।कार्यक्रममा जिफन्ट नेपाल, वागमती प्रदेश अध्यक्ष रामहरि नेपाल, नुवाकोट प्लम्बर संघका अध्यक्ष विजयकुमार मगर, भक्तपुर नगर समितिका सदस्य बालकृष्ण खैजु, बालाजु स्कूल अफ इन्जिनियरिङका सेनेटरी विभाग प्रमुख माधव प्रसाद अधिकारी, वरिष्ठ प्राविधिक गोकुल दंगाललगायतका व्यक्तिहरूको उपस्थिति रहेको थियो ।

कार्यक्रम अवधिभर वक्ताहरूले समाजमा प्लम्बरहरूले खेल्ने महत्त्वपूर्ण भूमिकाको बारेमा आफ्ना विचारहरू व्यक्त गरेका थिए । उनिहरूले प्लम्बिङ समुदायको काम र यस क्षेत्रमा गरेको योगदानलाई मान्यता दिनुपर्ने कुरामा जोड दिए ।

कार्यक्रममा यस क्षेत्रमा सेवा प्रदान गरिरहेका डिलर तथा ग्राहकहरूको समेत उपस्थिति भई उनिहरूले दिएको योगदानलाई कदर गर्दै, पञ्चकन्या समूहले सबै उपस्थित प्लम्बरहरूलाई कृतज्ञताको प्रतीकको रूपमा उपहारसमेत वितरण गरेको थियो । यो कार्यक्रमले प्लम्बिङ उद्योग तथा यस सेवामा लागेकालाई प्रबर्द्धन गर्ने र देशको लागि सुरक्षित र भरपर्दो पूर्वाधार सुनिश्चित गर्न प्लम्बरहरूको अत्यावश्यक भूमिकालाई स्वीकार गर्ने पञ्चकन्या समूहको समर्पणलाई ऊजागर गरेको छ ।

पञ्चकन्या समूहको बारेमा :
पञ्चकन्या समूह नेपालको अग्रणी औद्योगिक समूहहरू मध्ये एक हो, जसले यस क्षेत्रमा प्रदान गर्ने उच्च-गुणस्तरीय वस्तु तथा प्रदान गर्ने सेवाहरूमा र दीगोपनको लागि परिचित छ । यस समूहले गुणस्तर र नवीनताप्रति प्रतिबद्ध रही नेपालमा निर्माण र पूर्वाधार विकासको स्तर बढाउनमा ध्यान केन्द्रित गर्दै आएको कम्पनीले एक प्रेस विज्ञप्ति जारी गरी जनाएको छ ।