कलंकीस्थित पम्प अगाडि युवकलाई खुकुरी प्रहार गरेकाे आराेपमा २० वर्षीय युवक पक्राउ

काठमाडाैं, चैत १ ।
काठमाडौं महानगरपालिका-१४ कलंकीस्थित सीता पम्प अगाडि एक युवकलाई खुकुरी प्रहार गरेको अभियाेगमा प्रहरीले एक जनालाई पक्राउ गरेको छ । पक्राउ पर्नेमा नुवाकोट घर भई हाल काठमाडाैंकाे बाफल बस्दै आएका २० वर्षीय सुशील तामाङ रहेका छन् ।
उनलाई घटनामा प्रयोग भएको खुकुरीसहित पक्राउ गरिएको जिल्ला प्रहरी परिसर काठमाडौंका एसपी अपिल बोहराले जानकारी दिएका छन् ।
एकापसमा भएकाे विवादमा यही फागुन २९ गते बिहीबारका दिन तामाङले मोरङको कटारी गाउँपालिका-४ घर भई हाल काठमाडाैंकाे कालीमाटी बस्दै आएका ३० वर्षीय सुवास राईलाई खुकुरी प्रहार गरेका हुन् । आरोपीविरुद्ध ५ दिनको म्याद थप गरी अनुसन्धान अगाडि बढाइएकाे एसपी बोहराले जानकारी दिए ।
प्रतिक्रिया