काठमाडाैं, चैत ७ ।
काठमाडौंको चन्द्रागिरी नगरपालिका-१२, बलम्बुमा एक जना शिशुको शव फेला परेको छ ।

जिल्ला प्रहरी परिसर, काठमाडौंका एसपी अपिलराज बोहोराले दिएको जानकारीअनुसार आज बिहीबार साँझ ५ बजेतिर बलम्बु मावि पछाडिको बलम्बु खोला किनारमा शव फेला परेको हो ।

प्रहरीकाअनुसार, शिशुको शव हिलोमा लत्पतिएर बेवारिसे अवस्थामा देखेपछि स्थानीयले खबर गरेपछि प्रहरी प्रभाग, बलम्बुबाट प्रहरीको टोली खटिएको थियो ।

हालसम्म शवको पहिचान खुल्न सकेको छैन भने घटनाबारे खबर आएलगत्तै प्रहरी वृत्त, थानकोटबाट समेत सोको अफिसरहरूको टोली लगेर जाँच गराइएको भनिएको छ ।

प्रारम्भिक जाँचपछि शवलाई पोष्टमार्टमका लागि त्रिवि शिक्षण अस्पताल, महाराजगञ्ज पठाइएको प्रहरीले जनाएको छ । थप अनुसन्धान जारी रहेको एसपी बोहोराले बताएका छन् ।