काठमाडाैं, चैत ७ ।
ललितपुर महानगरपालिकाको पाटन अस्पतालबाट भागेका थुनुवालाई प्रहरीले कञ्चनपुरबाट पक्राउ परेका छ । बलात्कार मुद्दामा थुनामा रहेका दीपक साउद बुधवार दिउँसो पाटन अस्पतालबाट भागेका थिए ।

अछाम घर भएका १९ वर्षीय साउदलाई कञ्चनपुरबाट पक्राउ गरिएको जिल्ला प्रहरी परिसर काठमाडौंका एक अधिकृतले बताएका छन् ।

प्रहरी वृत्त सातदोबाटोको हिरासतमा रहेका साउदलाई ज्वरो आएपछि प्रहरीले चेक जाँच गर्न पाटन अस्पताल लगेको थियो । ‘शौचालय जान्छु’ भनेपछि प्रहरी कर्मचारीले हत्कडी खोलेर पठाउँदा उनि भाग्न सफल भएका थिए ।

ललितपुरको महालक्ष्मी नगरपालिकास्थित बोझेपोखरीमा अछाम घर भएका १७ वर्षीया किशोरीसँग उनी लिभिङ टुगेदरमा बस्दै आएका थिए । उनीहरूबाट एक महिनाअघि छोरी जन्मिएपछि किशोरीले जाहेरी दिएको प्रहरीले बताएको छ । साउद १७ दिनदेखि प्रहरी हिरासतमा थिए । उनलाई कञ्चनपुरबाट काठमाडौं ल्याउने भएको छ ।